KUMAHA NGAGAWEKEUNNANA KUDRAT - BUDI DAYA 3

Kumaha ngagawekeunnana Kudrat ?

Ari ngagawekeun Kudrat, nya-eta : urang kudu daek IRADAT, hartina daek tarekah metakeun Kudrat tea, jadi palebah dieu tetela pisan yen samangsa-mangsa urang katerapan Kudrat sarta daek Iradat atuh anu tangtu tea urang bakal "NYAHO" , tah eta kanyaho teh sidik lain beja ti batur, tapi estu kanyaho pribadi lain rubuh-rubuh gedang, nukitu disebutna ILMU.

Tapi dina enggon-enggoning  boga kanyaho teh , nya-eta tina urang daek   I r a d a t,    ladang K u d r a t, eta kudu disaksi nu terang ku :

1. HAYAT (hirup), ari hartina hirup teh lain ngan nyawaan bae, tapi ari hirupna Hayat mah lain ku napas, tapi nu bogaan akal pikiran sarta kalawan dipakena tara sok tuturut munding, cindekna mah nya-eta batin nu titih.
2. SAMA (ngarungu), ari ngarunguna Sama mah lain nu make ceuli, tapi nu suhud dina enggon-enggoning milampah sagala gawe.
3. BASAR (ningali), ari ningalina Basar mah teu make panon, tapi awasna hate, lantaran nggeus ka-elmu, urang teh bisa nyaho kana bakal kajadiannana anu rek dipigawe.
4. KALAM (ngandika), ari ngandikana Kalam lain ku sungut, tapi ucapna batin, hartina sanggeus 3 saksi ngagulung jadi hiji, nya-eta : Akal pikiran, Suhud jeung Nyaho kana pijadieunnana, nya tuluyna jadi TEKAD anu saenyana (Kalam) tea.    

Ku katerangan anu di luhur sugan piraku teu kaharti, sabab rek nyokot jalan mana urang neangan WUJUD  lamun lain ku jalan make katerangan ti eta 7 sipat? sarta sok asa mustahil lamun urang geus terang kana ayana Wujud Pangeran, urang masih keneh rek henteu percaya? ! . . . jeung mustahil rek kumawani rek mapandekeun Anjeuna kana Alam jeung kaayaannana (lahir-batin) mahlukna? . . . Karena entong-entong ka Pangeran , cacak kana aya  Kudrat oge geus teu bisa mapandekeun  - - - Cindekna mah ari Wujud teh anu jadi asalna, nu "aya " jeung nu "euweuh".

Katerangana kieu :Pangna urang nyaho "ayana" jeung "euweuhna wujud dunya anu alanyar oge lantaran urang geus katerapan Kudrat , saperti : elingan - tenjo - denge - ngambeu - ngucap - mikir - ngarasa - obah - jeung ngalangkah -- ku sakitu  oge urang geus bisa ngucapkeun omongan "aya" jeung "euweuhna" wujud anyar kujalan urang daek metakeun Kudrat.

Ayeuna urang geus terang yen Kudrat (Pangawasa Pangeran) teh lain asal tina natuur (kaayaan Alam -- Rochmat'ulah) tapi asal tina Kudratulah (Wujud Pangeran) -- Nafsiah ?Nya-eta jalanna make karerangannana 7 sipat Ma'ani tea: Kudrat, Iradat, Ilmu, Hayat, Sama, Basar jeung Kalam.